Pahad ki vedna

  Mera pahaad
 Mera pahaad rota hai,
Jab jab kisi naye ghar me taala jhool jaata hai,
Jab jab boodhi aankhein,
Sadkein taakti hai,
Mera apna koi laut aajaye,
Ruk ruk kar khidki se jhaankti hai,
Jab baarish me khaprail se,
Boodein tap tap girti hai,
Angithi fir jal uthne ka khwab maangti hai,
Jab aangan ka soonapan,
Kaatne ko dauta hai,
Tab Mera pahaad rota hai,
Mera 

Sitara

Dekhta hu jab unhe
unchaiyon se chamakte hue
Doguna vishwas badh sa jaata hai
Suna hai wo bhi yunhi,
gire the uthe the
Suna hai wo bhi khali,
jeb hi Chale the
Suna hai ki ghera tha,
unhe bhi nirasha ne
Ghire the wo bhi,
chamak ki pipasa se,
Suna hai ki wo bhi,
Chal diye the ulte kadam
Kayin dafa hui thi,
Unki bhi aankhein nam,
Jo me gir raha hu
To sab hairaan kyun hai,
Meri viphaltaon se pareshan kyun hai,
Me bhi gir raha hu,
Par uth bhi raha hu,
Bhatak bhi raha hu,
laut bhi raha hu,
Jaruri hai ye ki,
me chal raha hu,
Koi dekhe na dekhe,
Mujhe dikh raha hai,
Kal mera bhi sitara,
Yunhi chamak raha hai.